АРЫЗДАРДЫ КАБЫЛ АЛУУ 1-ИЮЛДАН ТОКТОЙТ!

📌 Кыргыз Республикасынын 2022-жылдын 1-апрелиндеги №21 “Жер укуктук мамилелерди жөнгө салуу жөнүндөгү” Мыйзамына, жана Кыргыз Республикасынын Министрлер Кабинетинин 2022-жылдын 31-майындагы №291 “Жер мунапысын жүргүзүүнүн тартиби жөнүндө жобону бекитүү тууралуу” токтомуна өзгөртүүлөрдү киргизүү тууралуу 2025-жылдын 28-майындагы №284 токтомго ылайык, арыздарды кабыл алуу 2025-жылдын 1-июлунан баштап токтотулат.

📌 Кайрылуу үчүн акыркы күн — 2025-жылдын 30-июнуна чейин.

Ошондуктан, төмөнкү шарттарга туура келген жарандар райондук жер мунапысы комиссиясына тез арада кайрылуусу зарыл:

• Өзүм билемдик менен курулган же курулушу бүтпөй калган жеке турак үйлөрү барлар
• Айыл чарба өндүрүшүнө пайдаланууга жараксыз, шахмат түрүндөгү бош жер тилкелери барлар

📌 Эскертүү:
2025-жылдын 28–30-июнунда Алтын-Арашан айыл өкмөтүнүн жер адистери бекитилген графикке ылайык күчөтүлгөн тартипте иштешет. Убакытты өткөрбөй, тиешелүү документтер менен кайрылып үлгүрүңүздөр.