Мазмунга өтүү 
2025-жылдын июль айынын 7-12 аралыгында Жибек-Жолу айыл аймагынын Гагарин айылында сел коркунучун алдын алуу жана калктын коопсуздугун камсыз кылуу максатында СПЛМ (сел профилактикалык ликвидациялоо механизми) боюнча бир катар маанилүү иштер аткарылды.
Атап айтканда, айылдын аймагында жайгашкан сел кармоочу бир даана чуңкурчаны сел калдыктарынан тазалоо иштери жүргүзүлүп, анын тазалыгы жана иштөө жөндөмү калыбына келтирилди. Бул чуңкурча сел сууларынын агып кетишин жеңилдетип, селдин катуу агымын токтотууга чоң салым кошот.
Мындан тышкары, сел агымын көзөмөлдөө жана багыттоо үчүн 600 метр узундуктагы сел каналы казылып, жаңы суу өтүүчү жол курулду. Бул канал суу агымын туура багытта сактап, селдин коркунучун азайтуу максатында иштелип чыккан.
Өткөрүлгөн иш-чаралар натыйжасында аймактагы сел тобокелдиги бир кыйла төмөндөйт деп күтүлүүдө. Калктын турмуштук шарттарын жакшыртуу жана аймакты коргоо максатында ушул сыяктуу профилактикалык иштер үзгүлтүксүз жүргүзүлүп келет.
