Күн-Элек айылында Жогорку Кеңештин депутаттары менен жолугушуу болуп өттү

📅 29.09.2024

2024-жылдын 29-сентябрь күнү Күн-Элек айылында Кыргыз Республикасынын Жогорку Кеңешинин депутаттары Марлен Маматалиев, Динара Ашимова, Бекмурза Эргешов, Таалайбек Сарыбашов жана Эрнис Айдаралиев Жибек-Жолу айыл өкмөтүнүн тургундары менен жолугушуу өткөрүштү.

Иш-чаранын алкагында эл өкүлдөрү жергиликтүү тургундардын көйгөлүү маселелерин угуп, актуалдуу суроолорго жооп беришти. Жолугушуунун жүрүшүндө төмөнкү темалар көтөрүлдү:

• Айылдагы инфраструктуралык көйгөйлөр
• Сугат суу жана таза суу маселелери
• Жаштар үчүн жумуш орундарын түзүү
• Мектептердин жана ФАПтардын абалы

Тургундар тарабынан депутаттарга суранычтар жана сунуштар айтылып, эл менен түз байланыш маанилүү экендиги белгиленди.

Жолугушуунун соңунда депутаттар элдин айткан маселелерин тийиштүү мамлекеттик органдарга жеткире тургандыктарын билдиришти.